@essambasher
Untitled
Posts
2810
Last update
2023-12-06 07:46:25

    من بين خوازيق حياتي المبكرة؛ في صف أول وكنوع من التحفيز قالت المعلمة إلي بتطلع من بين الثلاثة الأوائل وكمان إلها أكبر عدد ممكن من النجوم على لوحة الشرف رح أجيبلها لعبة باربي و تتكرم على الإذاعة ، يعني إلي بتطلع أولى مثلاً من غير النجوم ما إلها اللعبة ، قعدت طول الفصل أجيب لوحات و أعمل الأنشطة و علامات كاملة بإنتظار الهدية بعد الشهادات ، طلعت الثانية و أكبر عدد من النجوم عندي ، قالت المعلمة لأ لازم نأجل هدية باربي لأخر السنة عشان العدل ، وفعلاً أجلوها لأخر السنة وطلعت الثانية على الصف مع أكبر عدد نجوم و كل الصف و أنا بستنى الهدية وبحلم فيها ، دخلت المعلمة وطالت “ محاية صغيرة” وقالت هيك بكل بساطة “ ههههه معلش كنت بكذب عليكم عشان تكونوا نشيطين بس جبتلك هدية محاية تمحي فيها لما تغلطي في دروسك .! طبعاً كل الصف سكت مصدوم بس بالرغم من كل هيك أخذت المحاية وخليتها معي وطول الوقت ماسكتها في أيدي عشان أفرجيها لماما ، دخلنا نتوضى ونصلي الظهر وتركت الجاكيت مع صاحبتي وطلعت أخذت الشنتة و روحت البيت ، دخلت أركض أنادي على إمي تشوف المحاية إلي كانت باربي بأول السنة ، مديت أيدي مافي محاية في الجيبة .! قلبت الجاكيت و الشنتة مش موجودة قعدت أعيط ونمت ، بعد عشر سنين وقبل ما نطلع أول ثانوي ، وبعد قبول التخصصات و النقل إجت صاحبتي إلي قعدت معي سنين على نفس الدرج بتقلي قبل ما نطلع خلص بدي إياك بموضوع ، وقالتلي بما إنه رح نبعد فأنا بدي تسامحيني لأني أنا أخذت المحاية منك بصف أول ، كنت أغار منك وكرهت إنك أخذتيها مش أنا .! سامحيني وخلص أنا تغيرت ، قلتلها لأ يا حبة عيني ، سماح مني مافي لأنك قهرتيني وهبطت لشبعت بسببك ، قعدت تضحك وبتقلي بكرة بتعدي السنين وبتسامحيني ، بس فعلياً أنا مش مسامحتها ، وكل ما أروح أشتري هدايا للطلاب أنا و أختي و ألاقي لعب الباربي و المحايات الملونة أتذكر كيف خياراتي كانت إشي كبير وبعدها صغرت و بالأخر ما أخذت إشي .! من بين معرض الحديث قلت لأختي وقعدت تضحك وقالتلي بتعملي من الحبة قبة يا لئيمة خلص بجيبلك لعبة ومحاي و اسكتي ، وكأنه تعويض الإشي ممكن يقلل من الفشل ؟ الإشي إلي ما بتاخده بوقته ما إله قيمة وكأنه فعلاً كانت نبؤة حياتي وخياراتي مشيت بنفس الطريقة .

    (via renaramad404)

    عندك حق....عندنا مثل بيقول كل وقت وله آذان. ...يعنى ما ينفع وقت صﻻة لصﻻة اخرى...كذلك كانت البربى او حتى الممحاة فى السابق جائزة ليس لها مثيل ولكنها اليوم كيف تكون لو اهديت...!!؟ عموما لو لسه باربى بتشكل عندك حلم ...ممكن ابعتلك واحدة...

    لو تأخذ الدّنيا كل شيءٍ من يدي وتُبقي لي دعاءَ أُمي فقط، قسماً بربّي ليَكفيني

    هَلا سام  (via halasami)

    ياليت نعمة امى حاضرة....رحمك الله امى العزيزة الغالية. ...ورحمة الله عليك يا ابى ....فى جنات النعيم يصحبكم اخى